Ich zal mich effe vuurstelle

Ich bin Angelina Bergman en ich bin 11 jaor aod.

Ich woeën samen met mien mam Natasja Cuijpers en mien breurke Dylano in de maasstraot heej inne stad.

Als ich beej mien pap Wilfred Bergman bin woeënne vae inne Nedermaasstraot op ’t Groenewoud.

Ich zit in groep 8 van Basisschoeël Aan de Bron.

Danse is ein van mien groeëtste hobbies en vandao bin ich op woonsdig aovendj altied te vinge beej Dansschoeël Release.

Ich heb ’t dao super nao miene zin en wil de vrüllie en Juf Robin ouch super erg bedanke det hun beej hebbe wille dragen aan mien uutrooping!

BEDANKTJ!!!

Verder ving ich ’t super gezellig um met mien vriendinne te gaon shoppe inne stad. Dan kom ich vaak thoes met make-up, nepniegel, niegellak en lekkere roek. Daorum heb ich dit jaor mien orde van ’t make-up speegelke’.

Dit zeeje ouch terug in mien medaille en die wil ich uch dan ouch gaer presentiere.

Mien medaille hief de vorm van ’n parfumfleske. Met dao in un dansvloer umdet ich zao gaer daon danse.

Un geluidsbox met muziek en un discobal waat verwiesj nao Café Vreug of Laat umdet ich dao zao gaer kom. En make-up en niegellak met un make-up speegelke vanwege mien orde.

Ich gaon ’t nateurlijk neet allein daon en heb 2 adjudanten gekoze wao ich zeker van weit det ich er un geweldig seizoen met gaon beleive!

Now zeeje nateurlijk benaowtj weem det zeen……

Heej zeen ze, mien adjudanten Lynn en Djenayda!!!

………………………………….

Ich bin hieël grüts det ich dit jaor  beej de jeugd van V.V. Vreug of Laat met de scepter vürop moog laope en dan kaak ich now vur de ierste kier mien devies:

Met de haor inne ploeij,

Lekkere roek inne nek,

Wurtj diese vastelaovendj hielemaol te gek!!!